Siunertaq
Saqqummersitap siunertaraa piaarnerusumik aalisarnermiit avammut
tunisartakkat tamanut paasissutissiissutiginissaat.
Imarisaa
Saqqummersitami ilaatinneqarput Kalaallit Nunaata aalisarnermi avammut
tunisartagarisai pingaarnerit. Tassani pineqarput raajat, saarulliit,
qalerallit, saattuat, nipisap suaalu. Tunisassiat allat assersuutigalugu
suluppaakkat, qeeqqat, aalisakkat immap ikeraneersut, uiluiit,
puisininngaaneersut, savaninngaaneersut uumasuillu allaneersut
saqqummersitami taamaalillutik ilaatinneqanngillat.
Iluarsiissuteqarneq
Una saqqummersitaq iluatsillugu novembario 15-ani saqqummersitaq
2023-mi oktobarimi aalisakkat avammut tunisaanerat
iluarsiissuteqarfigineqarpoq. Iluarsiissut katillugu 562,4 mio. kr.-nik
annertuseriarnermik kinguneqarpoq, iluarsiissutit januaari, apriili,
juuli, aggusti, septembari oktobarimullu tunngasuupput taavalu raajanut,
saarullinnutm qaleralinnut saattuanut nipisallu suanut tunngasuullutik.
Iluarsiissuteqartariaqalerneq pissuteqarpoq, Akileraartarnermut
Aqutsisoqarfimmut nunanut allanut tunisinermi nalunaartussaatitaanermut
tunngasut kingusinaartumik qarasaasianut nalunaarsorneqarsimammata.
Iluarsiissutit tabel 4-mi sukumiinerusumik
misissuataarneqarsinnaapput.
Avammut tunisat nalingi 1,8 pct.-inik
annertuseriarput
2023-mi januaarimiit decembarimut avammut tunisat nalingi katillugit
5.301 mio. kr.-usimapput. Ukiup siulianut sanilliullugit 95 mio. kr.-nik
annikinnerupput, annikilleriarnerlu katillugu 1,8 pct.-iuvoq.
Eqqaamaneqassaarli kisitsisit utaqqiisaagallaq naatsorsuinerummata
taamaattumillu kingusinnerusukkut iluarsiiffigineqarsinnaallutik
paasissutissat tamakkiinerusut pigineqalerpata.
Titartagaq 1. Avammut tunisat nalingat januaarimiit-decembarimut, mio. kr.
Raajat
Raajat januaarimiit-decembarimut 2023-mi avammut tunisaanerisa nalingat
0,8 pct.-imik annertuseriarsimavoq, tamanna 21 mio. kr.-nik naleqarpoq.
Avammut tunisat annertussusaat 5,6 pct.-imik annikilleriarsimasoq akillu
6,7 pct.-inik qaffallutik.
Qalerallit
Qalerallit avammut tunineqartut nalingat 2,0 pct.-imik
annertuseriarsimavoq, tunineqartut annertussusaat 6,0 pct.-imik
annertuseriarsimasoq. Taamaalilluni kiilumut akit 3,7 pct.-inik
appariarsimapput.
Saarulliit
Saarulliit avammut tunineqartut nalingat 5,2 pct.-imik appariarpoq,
tunineqartut annertussusaat 6,4 pct.-imik annertuseriarsimallutik.
Saarulliit avammut tunineqartut kiilumut akia 10,9 pct.-imik
appariarpoq.
Saattuat
Saattuat avammut tunineqartut nalingat 47,7 pct.-imik
annikilleriarsimavoq, tunineqartut annertussusaat 8,6 pct.-inik
apparpoq. Kiilumut akia 42,8 pct.-inik annikilleriarsimalluni.
Nipisap suai
Nipisap suai avammut tunineqartut nalingat 41,9 pct.-imik
annertuseriarsimavoq, tunineqartut annertussusaat 50,7 pct.-inik
qaffappoq. Kiilumut akia 5,9 pct.-inik annikilleriarsimalluni.
Titartagaq 2. Aalisakkat avammut tunisaanerat, mio.
kr.
Najoqqutaq: bank.stat.gl/IENEXPMND
Titartagaq 3. Aalisakkat pingaarnerit avammut tunisaanerat
qaammatikkaarlugu
Najoqqutaq: bank.stat.gl/IENEXPMND
Titartagaq 4. Pct.-inngorlugu allannguutit ukiup siulianut
sanilliullugit, Raajat
Titartagaq 5. Pct.-inngorlugu allannguutit ukiup siulianut
sanilliullugit, Saarulliit
Titartagaq 6. Pct.-inngorlugu allannguutit ukiup siulianut
sanilliullugit, Qalerallit
Titartagaq 7. Pct.-inngorlugu allannguutit ukiup siulianut
sanilliullugit, Saattuat
Titartagaq 8. Raajat qalipallit qalipaajakkallu kiilumut
akiisa ineriartornerat
Najoqqutaq: bank.stat.gl/IENEXPMND
Titartagaq 9. Saarulliit suliareqqitat
suliareqqitaanngitsullu kiilumut akiisa ineriartornerat
Najoqqutaq: bank.stat.gl/IENEXPMND
Titartagaq 10. Qalerallit suliareqqitat
suliareqqitaanngitsullu kiilumut akiisa ineriartornerat
Najoqqutaq: bank.stat.gl/IENEXPMND